Yanvarın 31-də Azərbaycan Dövlət Mədəniyyət və İncəsənət Universitetində (ADMİU) rəssamlıq fakültəsinin geyim dizaynı ixtisası üzrə üçüncü və dördüncü kurs tələbələrinin təşkil etdikləri “Kölgələr vadisi” geyim kolleksiyasının nümayişi olub. Tədbirdə universitetin rektoru, professor Fərəh Əliyeva, müəllim və tələbələr, qonaqlar iştirak ediblər.
Kolleksiya dizayn və dekorativ tətbiqi sənət kafedrasının dosenti, sənətşünaslıq üzrə fəlsəfə doktoru Aysel Əzizovanın rəhbərliyi ilə təqdim olunub. Kolleksiyada modern, avanqard, vintaj, retro və s. bu tip geyim üslublarından istifadə edilib. Burada denim, cins, müxtəlif trikotaj və dəri materiallarından hazırlanan gündəlik və ziyafət geyimləri, aksesuarlar tamaşaçılara təqdim olunub.
azertag.az