Uşaqların dərisi çox həssasdır. Buna görə onların paltarını yuyarkən diqqətli olmaq lazımdır.
Uşaq paltarlarının düzgün yuyulma qaydalarını təqdim edirik.
- Uşaq paltarları, mütləq ayrı yuyulmalıdır.
- Paltarların içində olan etiketləri kəsin. Beləliklə, uşağınızın dərisinin aşınmasının qarşısını alacaqsınız.
- Uşağa aldığınız yeni paltarları yumadan əsla geydirməyin. Yuduqdan sonra mütləq ütüləyin.
- Uşağın dərisinin zərər görməməsi üçün paltarları yuyarkən ağardıcıdan qəti şəkildə istifadə etməyin. Bu cür kimyəvi tərkibli vasitələr körpənin dərisində qaşıntıya, qızartıya və bir çox mənfi təsirlərə səbəb olur. Buna görə xüsusi istehsal olunan yuyucu vasitələrdən və ya sabun tozlarından istifadə edin.
- Paltarları yuduqdan sonra mütləq açıq havada qurudun.
- Quruyan paltarları ütülədikdən sonra sərin və quru bir yerdə saxlayın.
- Uşaq paltarları saxlanarkən naftalin və güvə dərmanları qətiyyən istifadə olunmamalıdır.
saglamolun.az