Ötən il Azərbaycan Dövlət Musiqili Teatrının yaradıcı heyəti üçün işgüzar il olub.
Teatrdan bildirilib ki, 2017-ci ildə sənət ocağında beş yeni səhnə əsərinin premyerası olub, bir səhnə əsəri isə yenidən bərpa edilib.
Həmçinin teatr İranda təşkil edilən 35-ci Beynəlxalq Fəcr Teatr Festivalında ölkəmizi təmsil edərək dahi Üzeyir Hacıbəylinin məşhur “Ər və arvad” ikihissəli musiqili komediyası ilə çıxış edib. Bundan başqa, sənət ocağında iranlı aktyor Babək Nəhreynin rəhbərlik etdiyi Təbriz Teatrı ilə birlikdə “Bəxtəvər” adlı səhnə əsəri hazırlanaraq ictimaiyyətə təqdim olunub.
azertag.az