“YouTube” video xidməti “Reels” adlanan yeni funksiyanı sınaqdan keçirir.
“The Verge” saytına istinadən verilən məlumata görə, yeni funksiya “İnstagram” və “Snapchat”dəki “Stories” funksiyasına uyğun olacaq.
Bu məqsədlə əlavə bölmə ayrılacaq və istifadəçi ora öz “Reels”ini yükləyə biləcək. “Stories”dən fərqli olaraq, “YouTube”dakı qısa “tarixçələr” 24 saat sonra yoxa çıxmayacaq. Bundan başqa, istifadəçi bir neçə “Reels” yarada bilər və onların hər birində 30 saniyəlik bir neçə rolik yerləşdirmək olar.
Videonu rəng filtrləri, mətn, musiqi və stikerlərlə tamamlamaq da mümkündür.
lent.az