Kanada Ontario vilayətinin parlamentinin üzvü Natali de Rosye vilayətin qanunverici orqanında çıxışı zamanı Azərbaycanı Müstəqillik Günü münasibətilə təbrik edib.
O, çıxışı zamanı bayram münasibətilə Kanadanın Azərbaycan icmasını təbrik edib. Natali de Rosye xatırladıb ki, 1991-ci il oktyabrın 18-də Azərbaycan Respublikası Ali Sovetinin növbədənkənar sessiyasında dövlət müstəqilliyi haqqında Bəyannamə qəbul edilib.
"Müstəqillik Azərbaycana bu gün burada - Ontarida zövq aldığımız mədəniyyətini qorumağa imkan verib. Azərbaycan və Ontario arasındakı tərəfdaşlıq və dostluq münasibətlərinin dəyərini anlayıram. Münasibətlər hər iki tərəf üçün faydalıdır. Azərbaycan icmasına unudulmaz Müstəqillik günü arzulayıram", - o bildirib.
report.az