Oktyabrın 17-də Bakı Xətai Sənət Mərkəzində “Kitabların insan həyatında rolu” adlı rəsm sərgisi açılacaq. Yeni Azərbaycan Partiyası Yasamal rayon Təşkilatı, Bakı Şəhər Mədəniyyət və Turizm Baş İdarəsi, Azərbaycan Yazıçılar Birliyi, Azərbaycan Rəssamlar İttifaqı və Xətai Sənət Mərkəzinin təşkilatçılığı ilə gerçəkləşəcək sərgi “İslam Həmrəyliyi İli”nə həsr ediləcək.
Bu barədə layihənin əlaqələndiricisi Elnurə İsgəndərova məlumat verib.
Onun sözlərinə görə, sərgidə 100-dən çox fırça ustasının 150-dək sənət əsəri nümayiş ediləcək. Sərgi çərçivəsində tanınmış şairə Solmaz Kürçaylının “Ana məhəbbəti” kitabının təqdimatı keçiləcək.
Sonda sərginin qaliblərinə kitab hədiyyə ediləcək.
azertag.az