Bu gün futbol üzrə 2018-ci il dünya çempionatının Avropa zonası üzrə seçmə qrup mərhələsi çərçivəsində IX turun növbəti görüşləri keçiriləcək. Turun ikinci oyun günündə D, G və İ qruplarında 9 qarşılaşma oynanılacaq.
İ qrupunda yer alan Türkiyə millisi İslandiyanı qəbul edəcək. "Ay-ulduzlular" Eskişehir stadionundakı matçdan qalib ayrılacaqları təqdirdə, ən azı ikinci pilləyə yüksələcəklər. Mirça Luçeskunun baş məşqçi olduğu komandanın liderə çevrilməsi üçün isə Xorvatiyanın Finlandiya ilə ev oyununda xal itirməsi lazımdır.
G qrupunda İspaniya yığması "Qarabağ"ın futbolçusu Ansi Aqollinin kapitanı olduğu Albaniya millisini qəbul edəcək. Aqollinin komandası "pley-off"a vəsiqə verən 2-ci pillə şanslarını demək olar ki, əldən verib. Albaniya 3-cü pilləni əldən verməmək üçün səfərdə xal qazanmağı hədəfləyib. İspaniya isə qələbə qazansa, sona bir tur qalmış DÇ-2018-in final mərhələsinə qrup qalibi kimi birbaşa vəsiqəni təmin edəcək. Bu halda ikinci pillədəki İtaliya üçün Makedoniya ilə qarşılaşma formallığa çevriləcək.
D qrupunda isə Uels səfərdə Gürcüstanı yenə bilməsə, Serbiyaya Avstriya ilə səfər oyununda heç-heçə də kifayət edəcək. İrlandiya isə ilk 2 pilləyə iddiasını davam etdirmək üçün mütləq Moldovaya qalib gəlməlidir.
DÇ-2018
Seçmə qrup mərhələsi, IX tur
6 oktyabr
D qrupu
20:00. Gürcüstan - Uels
22:45. Avstriya - Serbiya
22:45. İrlandiya - Moldova
Xal durumu: Serbiya - 18, Uels - 14, İrlandiya - 13, Avstriya - 9, Gürcüstan - 5, Moldova - 2.
G qrupu
22:45. İspaniya - Albaniya
22:45. İtaliya - Makedoniya
22:45. Lixtenşteyn - İsrail
Xal durumu: İspaniya - 22, İtaliya - 19, Albaniya - 13, İsrail - 9, Makedoniya - 7, Lixtenşteyn - 0.
I qrupu
22:45. Türkiyə - İslandiya
22:45. Xorvatiya - Finlandiya
22:45. Kosova - Ukrayna
Xal durumu: Xorvatiya - 16, İslandiya - 16, Türkiyə - 14, Ukrayna - 14, Finlandiya - 7, Kosova - 1.
report.az