Ölkəmizdə ilk musiqili internet televiziyası olan MuzTV Azərbaycan peyk yayımına başlayır.
Bu barədə məlumatı telekanalın mətbuat xidməti yayıb.
Televiziya ilə “Azərkosmos” arasında əldə olunmuş razılığa əsasən, kanal oktyabrın 6-dan etibarən “Azerspace-1” peyki vasitəsilə 13975 V/11174,4 H tezliyi ilə yayımlanacaq.
Qeyd edək ki, MuzTV Azərbaycan 2012-ci il mayın 11-dən yayıma başlayıb və musiqi mədəniyyətinin təbliği istiqamətində ixtisaslaşıb.
azertag.az