İçərişəhərdəki “Art Tower” qalereyasında “Abşeron” adlı rəsm sərgisi açılıb. Sərgi “İçərişəhər” Dövlət Tarix-Memarlıq Qoruğu İdarəsi, Mədəniyyət və Turizm Nazirliyi və “Arts Council Azerbaijan” qeyri-hökumət təşkilatının təşəbbüsü ilə təşkil olunub.
Sərgidə bir neçə fırça ustasının Abşeron mövzusunda “vorkşop” formatında olan əsərləri nümayiş etdirilir. Tədbirdə məlumat verilib ki, sərginin ekspozisiyasına təqdim olunan 50-dək sənət əsəri məna və məzmun baxımından mükəmməlliyi ilə seçilir. Vurğulanıb ki, birgünlük sərgidə tamaşaçılar rəngkarlıq, yağlı boya, akvarel və dekorativ tətbiqi sənətə aid olan müxtəlif mövzulu portretləri görə biləcəklər. Paytaxt sakinləri və şəhərimizin qonağı olan bir sıra turistin də qatıldığı sərgi maraqla qarşılanıb.
azertag.az