Dünya şöhrətli fransalı akkordeonçu Riçard Qalliano Bakıda konsert verəcək.
Tədbirin təşkilatçıları bildiriblər ki, bu musiqiçi Bakıda keçiriləcək Beynəlxalq Caz Festivalının əsas qonağı olacaq.
Oktyabrın 20-dən 28-dək keçirilməsi nəzərdə tutulan festival çərçivəsində respublikanın müxtəlif konsert məkanlarında yerli və xarici caz ustalarının iştirakı ilə konsertlər olacaq.
Doqquz gün davam edəcək musiqi bayramı çərçivəsində ustad dərsləri, cem-seyşnlər, caz kino günləri, Azərbaycan caz günləri, gənc ifaçıların müsabiqəsi və art-sərgilər təşkil edilməsi planlaşdırılır.
Festivalın təşkilatçıları vəd edirlər ki, bu il caz həvəskarları yeni istedadlı musiqiçilərin adlarını “kəşf edəcəklər”.
azertag.az