İsraildə fəaliyyət göstərən İsrail-Azərbaycan Dostluq Cəmiyyətinin sədri Anatoli Binyaminov avqustun 8-də Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda olub. Bu barədə institutdan bildirilib.
İnstitut direktorunun müavini, filologiya elmləri doktoru Paşa Kərimov qonağa təmsil etdiyi elm müəssisəsinin fəaliyyəti barədə məlumat verib.
A.Binyaminov isə İsraildə saxlanan bəzi Şərq əlyazmalarından söhbət açıb. O, eyni zamanda, ölkəsində saxlanılan orta əsr Şərq əlyazmalarını tədqiq etmək üçün azərbaycanlı araşdırmaçıları İsrailə dəvət edib.
azertag.az