“Gənc Tağıyevçilər Cəmiyyəti” adı altında toplaşan ADNSU-nun tələbəsi olan Fərid İsmayılov və Amil Behbudov 1 iyun - Uşaqların Beynəlxalq Müdafiəsi Günü münasibətilə Tərtər rayonunda məktəblilərlə görüşüb.
Tələbələr Tərtərdə eyni gündə 2 layihə həyata keçirib. “QİÇS-ə yox!” və “Kitab ən böyük silahdır!” layihəsinin əsas məqsədi cəbhə bölgəsində yaşayan uşaq və gənclərin maariflənməsinə dəstək olmaqdır.
Tələbələr Bakı şəhərindən topladıqları bədii ədəbiyyatları uşaqlara hədiyyə ediblər. Ümumilikdə 200-ə yaxın uşaq və gənclə görüş keçirilib.
Gənclərin əsas məqsədi hər bir regionda sağlam və uğurlu gələcəyin təməlini qurmaqdır.
salamnews.org