Meksikanın Azərbaycandakı səfiri Rodriqo Labardini "Marionet" Teatrını ziyarət edərək, teatrın direktoru Tərlan Qorçu ilə görüşüb.
Meksikanın Bakıdakı səfirliyindən verilən məlumata görə, teatrın direktoru diplomatı iki ay öncə açılmış teatrın binası ilə tanış edib, onun tarixi barədə məlumat verib.
Səfir R.Labardini Meksika-Azərbaycan münasibətlərində mədəni əlaqələrin vacib rolunu qeyd edib. Bu baxımdan, Meksikada kukla teatrı sənətinin inkişafı və iki ölkənin bu sahəsinin nümayəndələri arasında əməkdaşlığın mümkünlüyü vurğulanıb.
Tərəflər bu cür əlaqələrin qurulması, birgə layihələrin keçirilməsi və Meksika kukla teatrı sənətinin "Marionet" Teatrında nümayiş olunmasının mümkünlüyünü qeyd ediblər. Mədəni mübadilənin qarşılıqlı tanıtım və yaxınlaşmaya yol açdığı vurğulanıb.
report.az