Qazax Dövlət Dram Teatrında görkəmli dramaturq Cəfər Cabbarlının "Solğun çiçəklər" əsəri əsasında hazırlanan tamaşaya ictimai baxış keçirilib. Bu barədə teatrın direktoru Saqif İsgəndərov məlumat verib.
Səhnə əsərinin quruluşçu rejissoru, xalq artisti Zülfüqar Abbasov, quruluşçu rəssamları Afiq Məmmədov, Səyyad Məmmədovdur. Tamaşada əsas rolları Yusif Qoca, Zəmalə Orucova, Nazilə Məmmədova, İlqar Hacıəliyev və başqaları ifa edir. Səhnə əsərinin premyerası iyunun sonunda olacaq.
Qeyd edək ki, Qazax Dövlət Dram Teatrı iyulun 15-də teatr mövsümünü "Solğun çiçəklər" tamaşası ilə başa vuracaq. Teatr yeni mövsümünü sentyabrın 20-də açacaq.
report.az