KATV1 şirkəti “KATV1 hər yerdə” konsepsiyasına uyğun yeni inkişaf strategiyasının icrasına başlayıb.
Şirkətdən bildirilib ki, bu konsepsiya operatorun telekommunikasiya şəbəkəsindən xaric televiziya auditoriyasının nəzərə çarpan dərəcədə genişləndirilməsini nəzərdə tutur. Həmin konsepsiya çərçivəsində KATV1 auditoriyanın həm Azərbaycanda, həm də xaricdə genişləndirilməsi ilə məşğul olacaq.
KATV1 2016-2020-ci illər üçün iki inkişaf istiqamətini müəyyən edib. Bunlar Azərbaycanda teleauditoriyanın “Smart Box” hesabına genişləndirilməsi və milli kanalları dünyada izləməyə imkan verən “Myvideo.az” platformasının inkişafıdır.
“Smart Box” cihazı KATV1-in telekommunikasiya şəbəkəsi xaricində televizorda internet vasitəsilə müxtəlif telekanal və videoları izləməyə imkan verir ki, bu da Azərbaycanda olan teleauditoriyanı genişləndirir.
azertag.az