Qız Qalası rəsm qalereyası"Qız Qalası" rəsm qalerreyası 1999-cu ildə Azərbaycan incəsənət institutunun professoru Səlhab Məmmədov və onun oğlu, qrafika ustası Emin Məmmədov tərəfindən şəxsi qalereya kimi yaradılmışdır.Qalereyanın direktoru Emin Məmmədovdur.Qalereya 3 sərgi zalından ibarətdir. "Qız Qalası" rəsm qalereyasında XX əsr Azərbaycan incəsənətinin keçdiyi yolu izləmək olar. Bununla yanaşı bu qalereyada XX əsr Azərbaycan rəssamlarının əksər əsərləri təmsil olunur.Rəsm qalereyasında Azərbaycan rəssamlarının fərdi sərgiləri, fotoşəkil ekspozisiyaları və digər mədəni tədbirlər keçirilir.Qalereyaya suvenir mağazası da aitdir. .Rəssamlarla bağlanmış müqavilələrə uyğun olaraq qalereya-studiyası satış sərgiləri keçirir. 2007-ci ildən "Qız qalası" rəsm qalereyasının Berlində "Berlin-Baku-Galeri" Sərgi Salonu adlı filialı fəaliyyət göstərir.Burada Azərbaycan və alman rəssamlarının sərgiləri keçirilir. Bu qalereya, həmçinin Azərbaycan mədəniyyətinin təbliği baxımından mühüm əhəmiyyət kəsb edir. “Qız Qalası” rəsm qalereyasında 2012-ci ildə V Beynəlxalq müasir incəsənət biyenallesi keçirilmişdir.