Məbəd Qax rayonda, Qum kəndinin mərkəzində, kiçik dağ çayının sahilində yerləşir. VI əsrə aid olduğu güman edilir. Tetrakonx formasında tikilmiş bu bazilikanın uzunluğu 26,4 metr, eni 19,3 metrdir. Məbəd 3 tərəfdən eyvanla əhatələnib, içərisində 3 zal var. Məbədin 3 qapısı olmuşdur. Qapı üstləri yarımqövs şəkilli tağlarla bəzədilmişdir. Qum məbədinin tikintisində əsasən yonulmuş çay daşından istifadə olunmuşdur. Son illər konservasiya edilmiş məbəd Alban abidələrinə aid edilir.

Daxili həcmi dördbucaq formalı ibadət zalı (36,5x19,3 m) təşkil edir. İki cüt «T»-şəkilli sütünlar və bir cüt piləstrlar zalı üç nefə bölür. Mərkəzi nef təxminən üç dəfə başqalarından genişdir və o, nalşəkilli apsida ilə tamamlanır. Sütunların ayırdığı mərkəz hissə daha hündür, sütunların yan tərəfindəki hissələr isə alçaqdır. Yan neflərin axırında isə kvadrat sövmənişinlər var. Əsas həcm üç tərəfində (cənub, şimal və qərb) qalereya var idi. Divarlar göy və tünd yaşıl rəngə çalan çay daşlarından tikiliblər. Konstruksiyaların bəzi yerlərində bişmiş kvadrat kərpic istifadə olunub. Belə kərpicin və daşın qarışığı Qafqaz Albaniyasının I əsrə aid olan tikililərində mövcud idi. Məbədə konstruktiv möhkəmlik vermək məqsədilə sütunlar, tağlar və bəzi memarlıq elementləri bişmiş davamlı kərpicdən inşa edilmişdir.

Salamzadə Əbdulvahab Azərbyacanın memarlıq abidələri

http://www.qax-ih.gov.az/az/56/58.html

http://qax.wen.ru/baza/Qummebedi.html