Hacı Muradın qəbri - Qocaman palıd ağacları bitən meşədə şeyx Şamilin naibi (sərkərdəsi) Hacı Muradın qəbri var. Məzar Tanqıt kəndinin yaxınlığında, fındıq bağları arasından keçən dar cığırın sonunda yerləşir. (Baydarlı kəndinin ərazisinə düşür). Onun məzarı üzərində qoyulmuş baş daşında ərəb dilində bu sözlər yazılmışdır: "Burada böyük cəfakeş, milliyətcə avar olan Hacı Murad Xunzaxski dəfn edilmişdir". Deyilənə görə, Hacı Muradın məzarını ziyarət edərkən əlini məzarın sinədaşına qoyub ürəyindən keçəni Allahdan diləsən, aldadılaraq xəyanətə tuş gəlmiş bu saf qəlbli bəndənin ruhu eşqinə niyyətin hasil olar. Hacı Murad (XIX əsr) Şimali Qafqaz xalqlarının əslən Dağıstanın Xunzax kəndindən olan görkəmli rəhbərlərindən biridir. Milliyətcə avardır. Lev Tolstoyun eyniadlı əsərinin baş qəhrəmanıdır.

http://io.ua/s75668

http://www.anl.az/down/meqale/medeniyyet/2010/iyun/125689.htm