Milli Qəhrəman Eldar Xəlilovun büstüMilli Qəhrəman Eldar Xəlilov 19 avqust 1976-cı ildə Qərbi Azərbaycanın Zəngibasar rayonunun Zəngilər kəndində dünyaya göz açmışdır. 1988-ci ildə yüz minlərlə soydaşlarımız kimi öz doğma yurdlarından zorla qovulduqdan sonra o, ailəsi ilə birlikdə Bakının Bakıxanov qəsəbəsində məskunlaşmışdır. Eldar Xəlilov 17 mart 1995-ci ildə dövlət çevrilişinin qarşısının alınmasında Milli Ordumuzun əsgərləri ilə birlikdə öz vətənpərvərlik borcunu yerinə yetirmiş və bu zaman qəhrəmancasına həlak olmuşdur. Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Xəlilov Eldar Xəlil oğlu ölümündən sonra “Azərbaycanın Milli Qəhrəmanı” adına layiq görülmüşdür. Bakı şəhərinin Şəhidlər xiyabanında dəfn edilmişdir. Bakıxanov qəsəbəsi, Səməd bəy Mehmandarov küşəsində Milli Qəhrəmanın büstü qoyulmuşdur.