Mustafa Kamal Atatürkün heykəliTürkiyə Cümhuriyyətinin qurucusu Mustafa Kamal Atatürkün heykəli Bakının Nəsimi rayonunda, Türkiyənin Azərbaycandakı səfirliyinin qarşısında, Səməd Vurğun və Bakıxanov küçələrinin kəsişməsindəki parkda ucaldılmışdır.Heykəlin açılış mərasimi 2010-cu il mayın 17-də olmuşdur. Açılış mərasimində Azərbaycan Prezidenti İlham Əliyev və xanımı Mehriban Əliyeva, Türkiyənin Baş naziri Rəcəb Tayyib Ərdoğan və xanımı Əminə Ərdoğan iştirak etmişdir.Mustafa Kamal Atatürkün heykəlinin müəllifi xalq rəssamı, heykəltəraş Ömər Eldarovdur.Mustafa Kamal Atatürk “Türk Milli Qurtuluş Hərəkatı”-nın öndəri,Türkiyə Cümhuriyyətinin qurucusu,ilk prezidenti olmuşdur. Ömrünün sonuna qədər 4 dəfə Türkiyə prezidenti olmuşdur. Türkiyə tarixində bu vəzifəni ondan daha uzun müddətə daşıyan prezident olmamışdır.Adı tarixdə 100 ən çox öyrənilmiş şəxsiyyətlər siyahısına daxil edilmişdir.