Cəfər Cabbarlı heykəli XX əsr Azərbaycan ədəbiyyatının, mədəniyyətinin, incəsənətinin inkişafında müstəsna xidmətlər göstərmiş görkəmli dramaturq, şair, nasir, teatrşünas, tərcüməçi, kinossenarist, jurnalist Cəfər Cabbarlı 1899-ci il martın 20-de Xızıda anadan olmuşdur.1959-cu ildə Cəfər Cabbarlının heykəlinin hazırlanması üçün keçirilən müsabiqədə Mirəli Mirqasımov qalib gəlir. Heykəlin açılışı isə 1982-ci ilə təsadüf edir. Heykəlin bu qədər gec hazırlanmasına texniki probemlərlə yanaşı heykətəraşın əsər üzərində çox diqqətlə işləməsi də səbəb olub. Belə ki, Mirəli Mirqasımov qeyd edir ki, “Mən Cəfəri gülünc edə bilmərəm. Mən 10 il tez, 10 il gec ölə bilərəm. Heykəl isə xalqındır. Ona baxıb xalqın tarixini, mədəniyyətini yaşadırlar”. Heykəlin arxitektoru isə Yusif Axundov olub.