M.Ə.Sabir adına Balaxanı qəsəbə Mədəniyyət Evi ilk olaraq 1904-cü ildə fəhlə özfəaliyyət dərnəyi kimi fəaliyyətə başlayıb. Balaxanı qəsəbə Cümə məscidinin binasında 1930-1989-cu illərədə klub kimi fəaliyyət göstərmişdir.

M.Ə.Sabir adına Mədəniyyət Evi əvvəllər Balaxanıda böyük mədəniyyət klubu olub və orada respublikanın bir çox görkəmli sənətkarları – Şövkət Ələkbərova, Mirzə Babayev, Məmmədbağır Bağırzadə və başqaları səhnəyə çıxıblar.
1990-1991-ci illərdə mədəniyyət klubunun işində fasilə yaranıb. 1992-ci ildən Balaxanı qəsəbəsindəki keçmiş “Şahmat klubu”nun binasında yenidən işini davam etdirib.
2008-ci ildən isə Mədəniyyət Evi qəsəbədəki Şadlıq evinin binasında fəaliyyət göstərir.
22.09.1967-ci il tarixdə Mədəniyyət Evində Xalq teatrı yaradılıb və bu günə qədər maraqlı səhnə əsərləri hazırlayır. Respublika üzrə keçirilən Xalq teatrları müsabiqələrində müxtəlif illərdə Fəxri fərman və diplomlarla təltif olunub.
1993-cü il fevralın 18-də mədəniyyət müəssisəsində Kukla teatrı yaradılıb.  Hazırda Mədəniyyət evində bədii özfəaliyyət kollektivi, fortepiano, rəqs, rəssamlıq kursları fəaliyyət göstərir.
Mədəniyyət Evi Balaxanı əhalisinin asudə vaxtının səmərəli təşkilində, əlamətdar günlərin və maarifləndirici tədbirlərin keçirilməsində əsas rola malikdir.