Almaniya ilə Sumqayıt şəhəri arasındakı dostluq əlaqələri Heydər Əliyevin Azərbaycana rəhbərlik etdiyi 70-ci illərə təsadüf edir. 1991-ci ilin mart ayında Lüdviqshafen şəhəri Sumqayıt şəhərinin əhalisinə humanitar yardım göstərdi. Şəhərlərin nümayəndə heyətlərinin səfərləri təhsil və səhiyyə, mədəniyyət və idman, gənclər və həmkarlar ittifaqları, iqtisadiyyat və şəhər təsərrüfatı sahələrində işgüzar əlaqələrinin yaradılması və inkişafına yönəldilmiş, bu istiqamətdə müsbət nəticələrə nail olundu. Partnyor şəhərlərin sosial-mədəni və iqtisadiyyat sahələrində bir sıra əməli tədbirlər həyata keçirildi. Park 1997-ci ildə Sumqayıt-Lüdviqshafen(Almaniya) əlaqələrinin 20 illiyi münasibətilə şəhərin 9-cu mikrorayon ərazisində salınmışdır. Parkın açılışı iki şəhər arasında dostluq əlaqələrinin möhkəmləndirilməsinm rəmzi kimi dəyərləndirilir.Park hal-hazırda şəhər əhalisinin əsas istirahət mərkəzlərindən birinə çevrilmişdir.