Keşikçidağ Dövlət Taix Mədəniyyət Qoruğu - Prezident İlham Əliyevin sərəncamı ilə 2007-ci ildə yaradılmış Keşikçidağ Dövlət Taix-Mədəniyyət Qoruğunda 70-dək mağara, bir qala, iki məbəd və bir inanc yeri var. Ağstafa rayonunun mərkəzindən 75 kilometr məsafədə, rayonunun sonuncu yaşayış məntəqəsindən - Böyük-Kəsik kəndindən 28 kilometr uzaqda yerləşən qoruqdakı abidələr uzun müddət araşdırılmamış qalıb. Dəniz səviyyəsindən 850 metr hündürlükdə, Gürcüstanla sərhəddə yerləşən bu abidələr kompleksində qoruq yaradıldıqdan sonra Azərbaycan Milli Elmlər Akademiyasının Arxeologiya və Etnoqrafiya İnstitutunun ekspedisiyası burada araşdırmalara başlayıb. Burada yerləşən Keşikçi qalanın ilkin orta əsrlərə aid olması, müdafiə məqsədilə tikilməsi, buranın qədim alban yaşayış məskəni olduğu, həmçinin təbii mağaraların eramızın əvvəllərinə, ərazilərdəki süni mağaraların isə 8-15-ci əsrlərə təsadüf etdiyi məlum olub. Son araşdırmalarda mağaraların birindən daha üç qəbir aşkarlanıb. Keşikçidağ Dövlət Tarix Mədəniyyət Qoruğu ərazisində bir əsrdən çox hərbi poliqon olub (XIX əsrdə). Yəni qapalı bir yer olduğundan alimlər tərəfindən araşdırılmayıb. Qoruqda tapılan nadir ilkin yaşayış məskəninin izləri, ocaq yerləri, məişət əşyaları, küp qırıqları, saxsı qablar oradakı mağaraların birində saxlanır. Burada qoruqda tapılmış əşyalardan ibarət muzey yaradılması nəzərdə tutulub.

http://www.presspost.az/index.php?type=xebergoster&id=10994

http://www.anl.az/down/meqale/medeniyyet/medeniyyet_mart2009/71217.htm

http://www.medeniyyet.az/site/?name=content&content=39