Əlican və Vəlican hamamıƏlican və Vəlican hamamı 1902-ci ildə Məşədi Vəlican tərəfindən tikilmiş, hamamın dörd günbəzindən hal-hazırda ikisi qalmışdır. Hamam hal hazırda istifadə olunmur. Günbəzlərində kiçik pəncərələr (nəfəslik) var. Hamam dördbucaqlı formaya malikdir. Günbəzlə birlikdə hündürlüyü təxminən 5 metrdir.Hamam Suraxanı rayonunun Bülbülə qəsəbəsində yerləşir.Ümumiyyətlə,bu qəsəbə milli-mədəni abidələri ilə seçilir. Belə ki, Bülbülə qəsəbəsində bir sıra tarixi abidələr mövcuddur. Bunlardan "İmamzadə",Azərbaycanın böyük mütəfəkkir şairi və alimi Abbasqulu Ağa Bakıxanovun qardaşı oğlu Kərbalayı Ağabalabəyin adı ilə bağlı olan Kərbalayı Ağabalabəy məscidi,Qəriblər məscidi, Hacı İsgəndər hamamı, Razaq hamamı, Almas hamamının adlarını çəkmək olar.