Şindan qalası (Sım) - Astara rayonu ərazisində Sım kəndindən 6-7 km cənub-qərbdə yüksək dağ zirvəsində, dəniz səviyyəsindən 1828 m yüksəklikdə ucaldılmış, orta əsrlər dövrünə aid Sindan qalası qeydə alınmışdır. Qala Şindan dağının zirvəsində bir hektara qədər sahəni tuturdu. Qala divarları yarımdairəvi bürclərlə möhkəmləndirilmişdir. Sindan qalasının adı yazılı mənbələrdə Babək hərəkatı ilə əlaqədar xatırlanır və onun digər qalalarla birlikdə xürrəmilərin əsas dayaq məntəqələrindən biri olması qeyd edilir. Qalada aparılan ilkin araşdırmalar bu abidənin 1000 ildən artıq bir dövrdə - VI-VII əsrlərdən XVII əsrə qədər istifadə edildiyini göstərir.Qala Azərbaycanın Nəmin şəhərinin böyük tarixi əsərlərindəndir ki, tarixi islamdan qabağa qayıdır. Qalanın hündürlüyü 1850 m-dir, daş və sarucdan düzəldilib. Astara nəmin yolundan rahatca görünür. Qərb tərəfində qədim qəbirliklər vardir. Bu qəbirlərin bir dəstəsi gor qəbiri və bir dəstəsində qıç tərəf qərbə və baş tərəf şərqə basdırılıbdır ki, Şah İsmayıl dövrünün qaraqoyunlularındandır. Şindan qalasında mühüm hadisələrdən biri Şah Abbas zamanında, taliş Həmzə xan, Astaranın hökmdarının qiyamıdır. O zaman Zülfüqar xan Qaramanlı, Ərdəbilin hökmdarı bu qalanı mühasirədə saxlamış və həmzə xan dəniz yolu ilə Şirvana qaçmışdır. Mehranlı İsa xan və Musa xanın döyüşləri zamanı və Mir Mustafa xan Taliş ibni Mir Camaləddinin (Qara xan) Ağa Məhəmməd şah Qacar zamanında bu qala sığınacaq olubdur. Mehranlı İsa xan və Musa xanın qəbiri bu qaladadır. Deyilənlərə görə bir zamanlar Babək də bu qalada olmuşdur.

Vəli Baxşəliyev Azərbaycan arxeologiyası

http://talish.azeriblog.com/2008/09/07/tarixi-ve-arxeoloji-abideler

http://vnt5news.azeriblog.com/2008/09/12/astara