1945-ci ildə əsası qoyulan Mingəçevir SES 9 il sonra - 1954-cü ildə istifadəyə verildi. Ümumi gücü 371 min kvt olan 6 hidroaqreqatdan ibarət su-elektrik stansiyası ölkənin ən iri SES-i idi. Bir il sonra isə Yuxarı Şirvan və Yuxarı Qarabağ kanallarının, eləcə də Varvara SES-in tikintisinə, həmçinin yüksək gərginlikli elektrik verilişi xətlərinin çəkilişinə başlanıldı. Buna qədər təkcə Sovet İttifaqında deyil, həm də Avropada ən hündür torpaq bəndi salınaraq Mingəçevir dənizi yaradılmışdı. Bəndin yaradılmasında 12 milyon kubmetr torpaq, 900 min kubmetr beton işlədilmiş, 24 min ton metal konstruksiya quraşdırılmış, istehsal olunan elektrik enerjisinin Bakıya ötürülməsi üçün 260 kilometr uzunluğunda 220 kilovotluq elektrik xətti çəkilmişdi.
http://www.azerbaijan-news.az/index.php?Lng=aze&year=2009&Pid=183