Moskvada bədii gimnastika üzrə “Grand Prix” yarışları baş tutub.
Azərbaycan Gimnastika Federasiyasından verilən məlumata görə, ölkəmizi bu turnirdə qrup hərəkətləri proqramında 2-ci heyətli komandamız təmsil edib. Simarə Cəfərova, Güllü Ağalarzadə, Narın Qurbanova, Nərmin Cahangirova, Ayna Cəfərova və Humay Əliyevadan ibarət qrup komandası həm 4 gürz-3 halqa, həm də 5 topla çıxışlarına görə finala vəsiqə qazanıblar. Qızlarımız hər iki çıxış üzrə final mərhələsində 6-cı olublar.
Qrup hərəkətləri komandamız həmçinin, çoxnövçülükdə turniri 5-ci yerlə başa vurublar.
trend.az