Futbol üzrə Çempionlar Liqasının üçüncü təsnifat mərhələsinin ilk matçları çərçivəsində keçiriləcək “Qarabağ” (Ağdam)-“Şerif” (Moldova) qarşılaşmasının biletləri satışa çıxır.
Azarkeşlər iyulun 21-də saat 12:00-dan etibarən biletləri Tofiq Bəhramov adına Respublika stadionun kassalarından əldə edə bilərlər.
Biletlərin qiyməti nömrəli sektorlara görə 1-5, VİP sektoruna isə 50 manatdır.
Qeyd edək ki, “Qarabağ”–“Şerif” matçı iyulun 25-də saat 21:00-da start götürəcək.
azertag.az