Gəncədə keçirilən bölgə məktəblilərinin bilik yarışında fərqlənən şagirdlər mükafatlandırılıblar.
Bilik Körpüsü Hazırlıq Mərkəzindən bildirilib ki, şagirdlər arasında keçirilən 10-cu bilik yarışında Gəncə, Goranboy, Şəmkir, Göygöl, Samux, Daşkəsən və Mingəçevir məktəbliləri iştirak ediblər.
Şagirdlərə təqdim olunan suallar məktəblilərin yeni dərslik və aylıq proqramlarını əhatə edib. Maksimum nəticə daha çox 9-10-cu sinif şagirdləri arasında qeydə alınıb.
Sonda komissiyanın qərarı ilə yüksək nəticə göstərən 100 şagird seçilib, hər kateqoriya üzrə ilk 10-luq və hər sinif üzrə ilk 3 yerin sahibi diplom, fəxri fərman və hədiyyələrlə mükafatlandırılıblar.
azertag.az