Duzbikici kənd məscidi - Məscid Dəvəçi rayonunun Düzbikici kəndində yerləşir. Hicri-qəməri təqvimi ilə 1327- ci ildə (XX əsrin əvvəli) inşa edilib. Həyətyanı sahəsi 150 kv.metr, iç sahəsi 9x8 metrdir.Düzbucaqlı formadadır və çiy kərpiclə tikilib. Damın örtüyü dəmir təbəqədəndir. Günbəz dördguşəli formadadır. Hündürlüyü 12 metrdir. Giriş qapısının üstündə-divarda onun inşa tarixini əks etdirən daş kitabə həkk edilib. Döşəmə torpaq, tavan isə taxtadır. İç divarları samanlı palçıqla suvanıb və əhənglə ağardılıb.Məscid kənd camaatı tərəfindən tikilib. Sovetlər dövründə məktəb kimi istifadə olunub.
Azərbaycan Respublikası muzeylərinin ensiklopediyası